Alang sa kaluwasan, kaayohan, ug pagpanalipod sa atong mga kabataan, gipahigayon ang PUBLIC HEARING karong adlawa Kauban ang atong mga kugihan nga konsehal sa lungsod sa Maco o giila nga QUIPDEBUCCS!kabahin sa usa ka proposed ordinance nga nagmando sa tanang pampubliko ug pribadong institusyon, establisemento, organisasyon, ahensya, ug uban pang entidad nga naglihok sulod sa Municipality of Maco, Davao de Oro nga maghimo, mopatuman, ug magmintinar og Child Protection Policy (CPP).

Tumong niini ang pagtakda sa minimum nga mga sumbanan alang sa pagpanalipod sa mga bata, pagmonitor sa pagsunod niini, ug pagtakda sa mga silot sa mga kalapasan.

Pinaagi sa maong public hearing, gihatagan og kahigayonan ang mga hingtungdang sektor ug stakeholders nga mopahayag sa ilang mga panglantaw ug sugyot aron mas mapalambo ang mga lakang alang sa proteksyon sa atong kabataan.

𝐏𝐀𝐍𝐀𝐋𝐈𝐏𝐃𝐀𝐍 𝐀𝐍𝐆 𝐊𝐀𝐁𝐀𝐓𝐀𝐀𝐍!

Basta Serbisyo Sigurado!